Sot në Skenderaj është sekuestruar një armë që po mbahej ilegalisht.

Lajmin për portalin arbresh.info e ka konfirmuar zëdhënësi i Policisë së Kosovës për rajonin e Mitrovicës, Avni Zahiti, shkruan portali arbresh.info

“Në bazë të informacioneve të siguruara, për posedim ilegal të armëve, hetuesit policorë në Skenderaj, në orët e pasdites së sotme, datë 31 tetor 2020, kanë sekuestruar një armë të llojit pistoletë”- tha Zahiti

Tutje ai tregoi se lidhur me rastin, në cilësi të të dyshuarit është intervistuar një person nga i cili është sekuestruar arma .

“Sekuestrimi i armës është rezultat i vijimësisë së një hetimi të ndërlidhur me një rast tjetër hetimor i nisur javë më parë. Lidhur me rastin, në cilësi të të dyshuarit është intervistuar një person nga i cili është sekuestruar arma, ku pas procedurës intervistuese është liruar në procedurë të rregullt”-përfundoi Zahiti /arbresh.info/